සරසවි කැන්ටිම සහ අපි...

මොරටුව සරසවිය අපි සැමදා යනෙන

ඇත බොහොමයක් කැන්ටින් නම් අඩු නැතිව

වල ගොඩ දෙකද ගුල සහ එල් කැන්ටින්ද

ගොඩ උඩ සමග ගොඩ උඩ පොෂ් කැන්ටින්ද

තුන් වේලමද මග නොහැරම තේ වේල

මග බලනවා අප එන තුරු හැමදාම...

පුරුදු ලෙසම ඇත පෝලිම එහි සැමදා

කෑවොත් ඉතින් යනවා බොරු වෙලාවට

ලෙක්චර ඉතින් පන්නනවා අප සිකුරු...

එනමුදු නොකා බෑ බඩගිනි ඉහට උසේ

ඉදලා පොලිමේ මේ ලෙස තුන් වේල

අපි ගන්නවා දිව බොජුනක් වැනි කෑම...

බොජුනේ තරම ගැන නම් තව කිමද කතා

කියනා කට හොදයි කැන්ටිමෙ බත් කන්න

එනමුදු ඇතැම් දින එහි ඇත රස කෑම

නොකීවොතින් එය හරි මදි හැඟේ මට

කාලා කැන්ටිමේ බත් සැමදා මෙලෙස

කර ගත යුතුය ඉගෙනීමද හැකි පමණ...

ලෙක්චර් එකට නොගියත් අපි සැමදාම

ඉන්නේ කෙලෙස නොගිහින් මෙහි සැම වේල

විමසා බලන කළ අපි මෙහි ආ දා සිටම

කර ඇති දේ කිමද වැඩි වැඩියෙන්ම අපි

වෙන අන් කිමද කවුරුත් දන්නා ලෙසම

කාලය ගෙවීමයි කැන්ටින් වලම ඉඳ...